REGULAMENTO ÉRGUETE E CORRE 2026

28 de novembro de 2026 · Vigo

A Asociación Érguete organiza a carreira popular Érguete e Corre 2026 co obxectivo de promover a participación deportiva e solidaria nun evento aberto a diferentes idades e modalidades.

Datos principais

Organización e percorrido

• A Asociación Érguete organiza a carreira popular Érguete e Corre o día 28 de novembro de 2026, con saída e meta na alameda de Bouzas .
• A carreira terá un percorrido de 5 km/10 km. As persoas participantes darán 1 ou 2 voltas en función da categoría e da modalidade na que participen.

Modalidades, horarios e inscricións

• A proba contará coas seguintes modalidades:

• As inscricións poderán realizarse cubrindo o formulario dispoñible na web www.magmasports.es ata o mércores, 25 de novembro de 2026, ás 23:59 h.

Categorías Érguete e Corre 2026

Categorías en 5K absoluta masculina e feminina

Categorías en 10K absoluta masculina e feminina

Érguete Bicis

Sen categorías: todas as persoas participantes compiten xuntas, sen agrupación por idade.

Érguete Andaina

Sen categorías: participación libre, sen diferenciación por idade.

Érguete Peques

Dorsais, servizos e cronometraxe

• A recollida de dorsais realizarase o día anterior á carreira no Centro Comercial Vialia, desde as 16:00 h ata as 20:00 h. Tamén poderá realizarse o mesmo día da carreira desde as 9:00 h ata media hora antes do comezo da modalidade correspondente, na zona de saída e meta.
• A organización facilitará servizo de gardarroupa na zona de saída e meta.
• O sistema de cronometraxe será proporcionado por TEAM RELAY, S.L., tendo como puntos de control a saída e a meta. O uso incorrecto do chip implica non aparecer na clasificación da proba.

Seguridade, responsabilidade e cambios

• Todas as persoas participantes estarán amparadas por unha póliza de responsabilidade civil e accidentes deportivos, excluíndo os casos derivados dun padecemento latente, imprudencia ou incumprimento das normas e leis aplicables, así como calquera outra circunstancia excluída da póliza. Tamén quedan excluídos posibles accidentes durante os desprazamentos.
• As persoas participantes aceptan formar parte da carreira baixo a súa exclusiva responsabilidade e propio risco. No momento da inscrición, cada participante manifesta atoparse fisicamente apto ou apta para completar o percorrido da proba.
• A organización e as empresas colaboradoras declinan toda responsabilidade polos danos que as persoas participantes poidan ocasionar durante a proba, tanto a si mesmas como a terceiros, por imprudencia, neglixencia ou falta de forma física.
• A organización resérvase o dereito de facer modificacións por necesidades organizativas ou polo beneficio das persoas participantes, debendo comunicalas antes da saída cando sexa posible. Así mesmo, poderá suspender ou aprazar a proba se existe risco para a seguridade das persoas participantes, por causa de forza maior ou por condicións meteorolóxicas extremas. Calquera modificación será debidamente notificada.
• A organización resérvase o dereito de retirar durante a carreira a calquera participante que manifeste mal estado físico, non realice o percorrido completo, non leve dorsal ou manifeste un comportamento antideportivo.

Imaxe, avituallamento e protección de datos

• Polo mero feito da inscrición, a persoa participante recoñece e acepta que as súas fotografías poderán ser publicadas na web oficial da carreira e nas redes sociais, cunha finalidade estritamente divulgativa do evento. Así mesmo, recoñece e garante que posúe a capacidade legal de representación do menor que inscribe, e autoriza a publicación das fotografías nas que dito menor poida aparecer.
• Á chegada á meta ofrecerase a todas as persoas participantes, independentemente da modalidade, un avituallamento con froita e bebida.
• Coa aceptación deste regulamento, as persoas participantes aceptan e consenten expresamente o tratamento dos seus datos persoais. De conformidade co Regulamento (UE) 2016/679 e coa Lei Orgánica 3/2018, infórmase de que a Asociación Érguete é a responsable do tratamento dos datos, que se empregan para xestionar as inscricións, consultas e participación na carreira. Poderase solicitar o acceso, rectificación ou supresión dos datos, así como exercitar outros dereitos consultando a Política de Privacidade dispoñible en https://asociacionerguete.org/es/.