REGULAMENTO ÉRGUETE E CORRE 2025

1. 
   A Asociación Érguete organiza a carreira popular Érguete e Corre o día 30 de novembro na cidade de Vigo, con saída e meta na cuberta do Centro Comercial Vialia Vigo.
   
   2. A carreira terá un percorrido de 5 km, na que os participantes darán 1 ou 2 voltas, en función da categoría e modalidade na que participen.

3.A proba contará con cinco modalidades:

• Carreira Érguete Peques.
• Carreira de 10 km cronometrada (2 voltas o percorrido)
• Carreira de 5 km cronometrada (1 volta o percorrido)
• Érguete Bicis. (1 volta o percorrido)
• Andaina 5 km. (1 volta o percorrido)

4.A hora de comezo das diferentes modalidades será a seguinte:

• Carreira Érguete Peques: 10:00 h.
• Carreira Érguete Bicis 5K: 10:55 h.
• Carreira 10K e 5K: 11:00 h.
• Andaina 5K: 11:00 h.

5.As inscricións poderanse realizar cubrindo o formulario dispoñible na web www.magmasports.es ata o mércores 26 de novembro de 2025 ás 23:59 h.

      As cotas de inscrición son as seguintes:

• Carreira Érguete Peques: 3 €
• Carreira Érguete Bicis 5K (1 volta ao percorrido): 10 €
• Carreira 10K e 5K (2/1 voltas ao percorrido): 10 €
• Andaina 5K: 10 €
  
  
  

6.CATEGORÍAS ÉRGUETE E CORRE 2025

Categorías en 5K
Absoluta masculina e femenina.

Categorías en 10K
Absoluta masculina e femenina.

Érguete Bicis

• Sen categorías: todolos participantes compiten xuntos, sen agrupación por idade.

Érguete Andaina

• Sen categorías: participación libre, sen diferenciación por idade.

Érguete Peques

7. A recollide de dorsais realizarase o día anterior á carreira, no Centro Comercial Vialia, desde as 11:00h ata as 20.00h.E tamén o mesmo día da carreira desde 9:00h ata media hora antes do comezo da modalidade correspondente, na zoa de saída/meta.
   
   8. A organización facilitará servizo de gardarroupa na zona de saída/meta.
   
   9. O sistema de cronometraxe será proporcionado por TEAM RELAY, S.L., tendo como puntos de control a saída e a meta.O uso incorrecto do chip implica non aparecer na clasificación da proba.
   
   10. Todas as persoas participantes estarán amparadas por unha póliza de responsabilidade civil e accidentes deportivos, excluíndo os casos derivados dun padecemento latente, imprudencia ou incumprimento das normas e leis aplicables, así como calquera outra circunstancia excluída da póliza.Tamén quedan excluídos posibles accidentes durante os desprazamentos.As persoas participantes aceptan formar parte da carreira baixo a súa exclusiva responsabilidade e propio risco.No momento da inscrición, cada participante manifesta atoparse fisicamente apto/a para completar o percorrido da proba.A organización e as empresas colaboradoras declinan toda responsabilidade polos danos que os participantes poidan ocasionar durante a proba, tanto a si mesmos como a terceiros, por imprudencia, neglixencia ou falta de forma física.
   
   11.A organización resérvase o dereito de facer modificacións por necesidades organizativas ou polo beneficio das persoas participantes, debendo comunicalas antes da saída cando sexa posible.
   Así mesmo, poderá suspender ou aprazar a proba se existe risco para a seguridade das persoas participantes, por causa de forza maior ou por condicións meteorolóxicas extremas. Calquera modificación será debidamente notificada.
   
   12. Resérvase o dereito de retirar durante a carreira a calquera participante que manifeste mal estado físico, non realice o percorrido completo, non leve dorsal ou manifeste un comportamento antideportivo.
   
   13. Polo mero feito da inscrición, a persoa participante recoñece e acepta que as súas fotografías poderán ser publicadas na web oficial da carreira e nas redes sociais, cunha finalidade estritamente divulgativa do evento.Así mesmo, recoñece e garante que posúe a capacidade legal de representación do menor que inscribe, e autoriza a publicación das fotografías nas que dito menor poida aparecer.
   
   14. Á chegada á meta ofrecerase a todas as persoas participantes, independentemente da modalidade, un avituallamento con froita e bebida.
   
   15. Coa aceptación deste regulamento, as persoas participantes aceptan e consinten expresamente o tratamento dos seus datos persoais. De conformidade co Regulamento (UE) 2016/679 e coa Lei Orgánica 3/2018, infórmase de que a Asociación Érguete é a responsable do tratamento dos datos, que se empregan para xestionar as inscricións, consultas e participación na carreira.Poderase solicitar o acceso, rectificación ou supresión dos datos, así como exercitar outros dereitos consultando a Política de Privacidade dispoñible en: https://asociacionerguete.org/es/